黎诺懿饮醉断片 起身发现被剥光猪

etin

无綫艺员黎诺懿在将军澳电视城出席“big big shop感谢祭”活动，黎诺懿近日与太太吃日本菜庆祝生日，原来该店铺是太太的旧同事所开，当晚尽兴而归，他也保持喝醉的传统，他笑说：“我饮醉咗返到屋企嘅，但系一起身就发觉自己光脱脱披住条毛巾瞓喺梳化，咁啱工人姐姐出去放狗。（点解会光脱脱？）我都唔知呀，断咗片，冲完凉之后就光脱脱，不过，老婆好锡我帮我冚番条毛巾。（可能系工人姐姐帮你冚？）都有可能架，咁等工人姐姐见识吓好嘢，哈哈。”

黎诺懿一直希望再生BB女，问到可有借醉“造人”？他笑说：“冇啦，如果有经验嘅都知，饮咗酒系难啲。希望等疫情过去再努力造人，个仔都系拍剧好忙嘅时候制造，得闲反而唔中，要无心插柳。”