黄智雯抽离唔到角色 靠“偷食”减压

etin

无綫花旦黄智雯于热播剧《十八年后的终极告白》，演绎经历生离死别的角色，由幸福家庭变家破人亡，演技挑战直逼响朵作《三个女人一个“因”》。她坦言拍摄时难以抽离角色，心情沉鬱：“剧里面有好多喊戏，情绪起伏好大，可以一秒间由幸福变成失去晒所有嘢。拍摄三3月嘅日子，长期保持住低落情绪，其实唔止我一个，大家都系咁，一起身谂起个角色，又要投入番情绪，嗰排真系好唔开心，直头系惊咗返工。”她笑言当时破食戒，靠食薯片减压凼自己开心。

靠赵希洛开解

她庆幸开工时有好姊妹赵希洛相伴开解，拍完剧后，二人到日本旅行，进行情绪治疗：“好彩同剧有赵希洛，见到佢好似见到救星咁，揽住佢倾偈，抒发情绪。拍完我哋又即刻去日本买嘢、食嘢散心，嗰一刻系抒发咗，但返到香港又会谂番，都要半年时间先完全冇事。”

唔谂攞奖

黄智雯一直被认为有实力挑战视后宝座，她谦称：“攞奖就唔会谂太多，反而依家接角色，会谂有冇突破，自己以前做唔到咁沉重嘅角色，今次系一个训练、经历，将来再遇到呢啲角色都唔会逃避。”