姊妹五缺二 苟芸慧亲整蛋糕贺王君馨生日

etin

艺人苟芸慧向来锺意整意甜品，早前仲专登去上堂深造，一手甜品功夫拍得住出面街买到嘅质素。听日就系好姊妹王君馨嘅34岁生日，苟芸慧趁呢个机会大展厨艺，亲手整咗个朱古力蛋糕，个面仲唧满忌廉花，唔讲真系以为系某某饼店出品，王君馨收到呢个蛋糕非常满意，仲大赞好靓！

王君馨喺社交网上载庆生嘅相片，当年由五人组成的“处女党”其中李亚男同苟芸慧都有出席，佢哋齐齐嘴嘟嘟锡寿星女，不过就未见锺嘉欣同岑丽香，佢留言话除咗开心有蛋糕同花之外，呢十年嚟最感恩系收到一班好姊妹嘅友谊同爱护，仲话希望佢哋五个人可以尽快见面聚一聚。