冯盈盈戴祖仪疑中毒 就系因为呢啲花！

etin

艺人冯盈盈昨日喺社交网透露有头晕作呕嘅症状，令人担心。佢解释因为前日同戴祖仪（Joey）行街喺路边见到好靓嘅花丛，两人一心以为系樱花，即时行埋去留倩影。

但两人返到屋企都齐齐唔舒服，又头痛又作呕，嗰时先发现原来嗰棵花系带有剧毒嘅夹竹桃。冯盈盈搞笑话两位中毒少女因为影相而成为生死之交，仲表示今次得到教训：“路边的野花不要采，也不要乱接触，只远观好喇”其后佢又向Joey道歉：“对唔住，系我发现棵先，系我差啲害咗你。”好多网民都叫佢如果持续唔不适就要尽快求医，同埋希望佢哋经一事长一智啦！

​联络上戴祖儿，佢话：“寻日去开工嘅时候同冯盈盈，发现咗啲花好靓就行咗去影相，唔多唔少都掂到，然后我今日出相嘅时候，见到留言先知道，原来呢只花系有毒，就即刻上网Search多次资料，再即刻更正话畀大家知做咗个错误示范，叫大家要小心。”而冯盈盈就话：“返到屋企之后到今朝，都觉头痛同作呕，谂紧到底点解？Joey同我讲原来棵树系夹竹桃有剧毒，依家冇事，放心！我哋寻日去停车场攞车途中，见到路边有棵花好靓，走去树下影咗15分钟左右相就走。”