蔡思贝挞着胡鸿钧感酸熘熘？余德丞咁样讲

etin

“阳光型男”余德丞（Dickson）与蔡思贝外形相衬，两人传足多时绯闻，但随住女方被爆传与胡鸿钧挞着后，两人绯闻已暂告一段落，对此他笑言三人是好朋友，之前都有一起食饭、睇演唱会，但没有八卦两人的感情事，问到可觉自己是两人的烟幕？他笑言：“唔会啦，可能因为佢哋冇拍过节目啫，如果佢哋拍节目先，可能变咗我系小三都唔定，所以冇分烟唔烟幕。”而问到被思贝飞起可有酸熘熘的感觉？他笑言：“冇啦，点解会酸熘熘呀？都话两个都系好朋友。（觉得佢哋衬唔衬？）我同佢衬啲，大把人都系咁讲，我讲同胡鸿钧喎！（喺思贝手上抢胡鸿钧过嚟？）如果我会做歌手，我会邀请佢同我合唱，蔡思贝唱歌唔得，我唱歌还可以。”

而提到Dickson主持的旅游节目《台北101种玩法》近日播出，第二次主持旅游节目的他希望做到搞笑贴地的风格，而今次亦会介绍一些较特别的景点，其中一个最难忘的经验是上台北101大楼最顶层的了望台：“我哋行埋出去睇台北全景，遗憾嗰日多云有雾，睇得唔多，但有个奇景，就系当我准备行出去时，啲雾气已经涌晒去楼梯度，好似置身于仙境。”今次除了拍摄外，问到可有乘机识女仔或有艳遇？他笑言很想有艳遇，自爆甚至特地走到连锁百货店，等待专门帮单身男女配对的网红可会帮他配对：“点知兜咗3个圈佢都冇出现到。（好失望？）梗系失望啦！因为睇佢啲片配对啲人好正架嘛。（想识台妹？）做个朋友冇乜问题，下次去旅行佢可以带你去玩，呢个系我目的，哈哈。”

讲到台妹出名温柔、样靓、身材正，问到可符合其择偶条件？他坦言较着重内在美：“最紧要系心地善良同性格好，要夹得埋，有共同话题可以沟通到，同埋我锺意短头发嘅女仔，但冇话长头发唔得。”他亦觉得外国女生成长背景不同，价值观可能会不同，并坦言接受不到异地恋：“咁远咁辛苦，我之前中学试过，个女仔喺外国读书，以前科技冇依家咁发达，所以都有少少可惜同遗憾。（自此唔想再试异地恋？）梗系啦，有阴影。”问到现时单身的他可恨拍拖？他笑言：“唔心急，如果缘分嚟咪嚟，唔嚟都冇所谓，依家都好开心，而且依家唔算好老，可能愈老愈有男人味。（妈咪有冇催你拍拖？）唔会啦，依家事业最紧要，冇事业都建立唔到家庭。”