【准备做阿妈】廖碧儿唔排除翻挞富二代卢启贤

etin

女星廖碧儿两年前公开恋上富二代卢启贤，惟“蜜月期”不足半年，随住男方连环被爆负面新闻，恋情亦告挞Q，分手收场。不过于碧儿感情的“空窗期”，即使忙于读书、拍剧及红酒生意，二人仍不时被目睹约会，一副掟煲唔掟盖模样，日前她接受东网专访时大谈感情事，不讳言也想拍拖，享受恋人甜蜜时光。

每一步谂清楚

谈到与卢启贤关系一直纠缠不清，她说：“不嬲冇避过，再见亦是朋友。（翻挞？）不嬲都有呢个讲法，唔会限住自己一定唔会。（再一齐会谂多啲？）都系朋友，男仔同女仔可以系朋友。（恋人？）有开心嘢会宣布。（结婚先讲？）唔知呢！”坦认近日双方虽然少见面，仍保持沟通。

问到会否因男方负面新闻影响对他的感觉？碧儿说：“新闻还好，反而我喺呢行怕影响人啫！（受一次伤害仲唔够？）其实系㗎！所以每样嘢都会谂清楚。（唔再乱堕爱河？）宁愿Keep住好朋友先，重点系夹唔夹同开唔开心。（以前感情路唔顺？）人生有开心唔开心经历，咩关系唔需要理其他人，最紧要双方舒服。（有复合迹象？）呢啲唔好讲住。（现阶段呢？）到时有好结果再算啦！”

买屋孝敬父母

由于家姐及弟弟均已婚，亦有小朋友，故父母未有催她早日嫁人，但喜欢小朋友的她，却笑指已做好准备当妈妈：“有谂过将来未结婚会领养，身边好多朋友都有咁做，冇问题。”对于父母一直加拿大及香港两边走，为免舟车劳顿，碧儿近日已于彼邦物色大屋，好让他们有个新安乐窝。​