弃用替身拍动作戏 罗仲谦搏命搵奶粉钱

etin

刚升任爸爸的罗仲谦与海俊杰为无綫新剧《陀枪师姐2020》拍摄一场深夜追逐戏，期间二人弃用替身，徒手跃过栏杆，各有表现，最后这位新手爸爸三Take顺利完成！

谈到太太杨怡正于家中坐月，阿谦透露阿怡状态不俗，身形依旧咁弗，手脚也没有水肿，皮肤质素更胜从前。问二人可适应当爸妈的生活？他说：“太太每日同囡囡冲凉，我仲学紧，因为惊自己粗鲁整亲佢，所以都系负责搵奶粉钱先，仲有每日陪囡囡瞓觉同倾偈、影相、拍片，出世到依家影咗成千张，我好锺意锡佢对脚，啲脚趾仔似提子，好得意，又成日皱眉。”

由于连日来为剧集开工，故每日出门前就会依依不舍，往往会迟到廿分钟：“我想睇佢食奶、冲凉同换片，依家佢每日个样都变紧，担心拍完套剧会错过咗！所以太太每日拍片同send相畀我睇，囡囡咁快就十二朝，都有食姜醋。（点奖励太太？）银行户口号码畀佢自己拎钱啰！”

至于海俊杰则表示已率先恭喜阿谦，与太太结婚两年多的他坦言好喜欢小朋友，不过生孩子的事有待上天安排：“我玩住契女先啰！佢依家两岁好得意，我成日Po佢啲相，搞到化妆师以为系我个女。”​