【金像经典由我选】实至名归！百星最爱发哥萧芳芳

etin

“金像经典，由我嚟选！”邀请一百位艺人严选金像奖经典，影帝、影后之争战况相当激烈，各候选人都有拥趸瞓身支持，经过一轮点票，结果终于诞生！“影帝中的影帝”由史上最亲民的“戏神”周润发凭电影《英雄本色》以45票夺得！“影后中的影后”则由极受观众爱戴的萧芳芳凭《女人四十》以41票赢得，两位均是圈中公认好戏之人，今次获选可谓实至名归！

纵横影坛47年的周润发对于获选，笑称全靠自己好运：“好多谢大家对我嘅爱戴，其实我系好运，喺唔同年代嘅电视、电影都有好嘅角色畀我去发挥，如果冇出色嘅编剧、导演以及台前幕后嘅工作人员付出，我一个人做鬼都唔灵啦！”

周润发入行至今，演过无数经典角色，问他最爱哪一个？他竟“惊爆”自己连一集《上海滩》都没看过：“八十年代初嘅《上海滩》，因为当时要拍嚟同对台抢收视，一边拍一边出街，我哋日拍夜拍，边有机会望吓自己嘅演出吖，所以到依家我一集都未睇过㗎！”虽然日以继夜的拍摄，令发哥难以去细记每一个角色，但有些珍贵的片段，发哥则永远记着：“我每做完一个角色就会将‘佢’抛诸脑后，‘佢’喺镜头面前做过啲乜嘢、讲过啲乜嘢对白，我完全delete晒，留低只有同一班工作人员嘅美好回忆。”

“影后中的影后”萧芳芳获很多艺人拥戴，张达明更大赞芳芳姐神级演出，睇到佢眼湿湿！一向幽默的萧芳芳先以《胡不归》的唱词来形容自己的心情：“我嘅心又喜，我嘅心又慌！”之后再表示：“感谢咁多位同行对我嘅厚爱，你哋真系将优秀嘅‘中国传统文化’发扬光大，呢个文化是甚么？依家我深深感受到，就系‘敬老’呀，哈哈！”​