黎振烨得大肚老婆代求情

etin

艺人黎振烨日前被爆搭上新剧拍档朱智贤，形象直插谷底，出事之后，黎振烨用尽方法挽救婚姻，终获太太原谅！昨日两公婆结伴外出， 黎太首度开腔撑夫：“畀多次机会佢！”直言已原谅老公之馀，还大方祝福朱智贤！黎振 烨自知今次难翻身，直言为了养家，已作最坏打算，不排除 “转行”做体力劳动工作！


偷会事件曝光后，朱智贤前日在男友谢东闵陪同下出席记者会认错，原本有指无綫安排4位主角见传媒，但黎太甩底，令黎振烨顿成“弃将”！一直未有露面的黎振烨，昨晨约10时被发现与太太穿上黑色情侣装乘的士现身父母海丽邨寓所附近，他孭住大型行李袋拖实腹大 便便的太太，当发现记者在场，即表现愕 然，一度婉拒受访。

与朱智贤冇联络

由于等过马路关系，二人避无可避， “受害人”黎太面对记者有点紧张，但点 头承认决定原谅丈夫：“发生呢啲事，正 常人都会嬲， 但依家念在我哋有小朋 友，同埋咁多年感情……希望佢公司都睇到佢咁多年付出，畀多次机会佢。”当问到朱智贤于记者会上未有向她道歉而被网民插爆，黎太亦大方说：“道唔道歉都唔紧要喇，我都担心佢情况，希望佢快啲冇事啦！”

至于黎振烨被问到事后有否与朱智贤 联络，他表示没有，而前日因照顾太太没 有看记者会直播，更口快快自爆这段“雾 水情”只维持了数星期：“讲到尾都系我唔啱，唔应该畀借口自己，依家最紧要希 望佢（太太）心情同身体状况好番。嚟紧 相信我都会有段几长嘅时间休息。（系咪拍《食脑丧B》抽离唔到角色？）我相信 自己可以完全抽离，做番几个礼拜之 前真正嘅我。（即系同朱智贤只开始咗几星期？）唔系好长啰！”

出轨“一次都嫌多”

问到是否完全获得太太原谅， 并承诺不会重复犯错，他无奈地 说：“老实讲，发生呢啲事系咪一时三刻、或者三两日就可以完全冇事呢？咁我哋又唔可以轻易当冇发生过，畀啲时间太太，希望佢可以完全消化到件事，之后释怀原谅我。（以后一定唔再发生呢啲事？）我觉得唔系口头上承诺就得，要行动嚟畀太太睇。有啲事情人生中发生一次就够，呢啲事一次都嫌多。”他希望“一人做事一人当”：“祸不及 妻儿，大家唔好骚扰太太，畀佢 喘息空间准备生产，唔该晒！（BB仔定女？）仔！”

搵奶粉钱乜都要做

谈到会否担心被无綫长期雪藏、甚至放弃，黎振烨不讳言：“我都觉得自己未必有机会再喺幕前演出，但小朋友就嚟出 世，唔可以冇嘢做，就算体力劳动工作我都要做，要搵奶粉钱。如果公司放弃我，我都唔可以放弃我自己。”