一年内娶庄思明！杨明迎接40岁准备做老窦

etin

现年39岁的杨明接近不惑之年，自嘲年纪大，希望在变大叔前迎娶女友庄思明，他说：“年纪大开始要Keep，希望未变成大叔嘅四十岁前结婚，希望尽快啦！有样肯定嘅系结婚之后会尽快生BB，因为我哋都好锺意小朋友，但系要调节心态，依家仲系傻更更。”

杨明在无綫新剧《机场特警》中身形弗到漏，他坦言操肌最困难是戒口，更自爆有“偷食”，他笑说：“操肌真系辛苦到呢，仲要食‘擦纸胶’烚鸡胸肉，又冇味又乾，挨咗四五个月，但系自己又唔系好规律，都有偷食，有晚开工好攰、冇乜精神，就食咗只鸡髀，真系好满足，但系偷食完抺嘴，成嘴油又开始后悔。”

张振朗好冤气

剧中杨明与张振朗的兄弟情hehe味浓，擦出火花，但原来两人是首次合作，他说：“同佢好有火花、好鬼冤气，一埋位就挞着，当咗佢细佬咁，我哋又一齐操肌呢。”

此外，在疫情下杨明开设的炖汤店生意大跌八成，蚀到入肉，庆幸有政府措施支援，加上业主减租、外卖帮补，希望能挨到大半年，待疫情过去，他说：“以前都做过其他生意，但系今次嘅考验系最大，希望挨得过。”