朱智贤喊住道歉 谢东闵打救：会陪住佢走过呢一关！

etin

前港姐朱智贤背着男友谢东闵偷食人夫黎振烨，在车厢食蛋糕事件曝光后，朱智贤受尽千夫所指，曾哭求男友原谅，“被劈腿”的谢东闵终心软，昨日在无綫安排下，两人在电视城开记者会作出交代。

二人一黑一白造型现身，先让传媒拍照，谢东闵说：“好担心佢承唔承受到压力，佢已经将成件事讲咗我听，我会陪住佢走过呢一关（女方低头喊）。自己都有责任，挂住工作，疏忽咗佢，佢系一个好女仔，好勤力嘅人，希望大家畀个机会佢，畀佢反思吓，希望佢继续喺TVB工作。”

被万箭穿心，朱智贤即喊住讲：“对唔住，令大家失望对唔住，我知自己做错嘢，我对唔住锡我嘅人，对唔住畀机会我嘅人，背负咗公司，要向呢件事受伤害嘅人讲对唔住。”朱智贤说话期间，谢东闵十指紧扣女友，为对方打气。

而无綫高层乐易玲一直都有陪伴两人，但没有步入记者室内，当记招完毕，传媒步出记者室欲上前访问乐易玲，她没有回应转身离开。​