谢东闵被朱智贤背叛 过来人马国明醒佢两招！

etin

视帝马国明、黄智雯、谭凯琪及胡鸿钧等现身电视城，出席新剧《降魔的2.0》宣传，场面热闹。朱智贤与黎振烨“偷食”热爆全城，有指谢东闵如“马国明2.0”，马国明表示：“近日我忙紧开厂，但都知发生紧乜事。好似当事人都未讲过嘢，人哋嘅嘢我唔回应喇。（有冇方法教谢东闵走出阴霾？）我同佢都合作过好多次，印象中佢系开朗嘅人，应该冇问题嘅，感情嘅事自己先知。（你已完全冇事？）都过咗咁耐，千祈唔好怪责任何人。（你可以拍拖喇？）我冇话自己唔ready，随缘啦，有机会同大家讲，见到我同女仔食饭唔好惊讶。其实都有朋友话介绍新朋友畀我识，我就有少少抗拒，觉得尴尬。”谈到《降》剧周旋于黄智雯、刘佩玥及谭凯琪中，他笑说：“应该系《谈情说案》扮花花公子后，最有艳福嘅一次。”他又“呼吁”粉丝要先重温上集：“因为剧情好紧接，惊大家唔记得上集嘅剧情，一时Pick up唔到。而今次都留咗伏线，如果收视好嘅话应该会再开（第三集）。”​