何超莲爆前男友偷食 窦骁晒蜜照派定心丸

etin

​网红周扬青大爆前男友台湾舞王罗志祥渣男荒淫行为，唔少人都戥佢唔抵，仲话佢浪费咗最宝贵嘅9年青春喺小猪身上，佢好姊妹何超莲亦都有公开留言力撑，仲话好明白周扬青嘅心情，因为佢都经历过畀前男友劈腿嘅伤痛，好多网民都估呢位出轨男就系同佢拍拖4年嘅台湾歌手吴克羣！

不过呢啲都系过去式，因为超莲依家已经有新男友男星窦骁，而呢一日就系佢哋拍拖公开恋情一周年，将恋情低调处理嘅窦骁一反常态，喺凌晨连出17张相放闪晒恩爱，除咗一啲恋人之间嘅搞笑相之外，仲有超莲嘅水着相放送，见佢着住红色一件头泳衣挨喺船边感受海风，一脸悠然自得，场面似足写真相一样，见女友影得咁开心，贪玩嘅窦骁都要伸个头入镜影埋一份！

之前佢哋去旅行嘅私密相都有公开，佢哋行沙滩看海兼头贴头叹烛光晚餐浪漫到晕，超莲仲盛装上阵暗晒佢嘅好身材。网民睇完啲相都话畀佢哋闪到盲，仲有人推测窦骁喺超莲公开自己拍拖嘅惨痛经历之后变得咁高调，似乎系想派定心丸畀超莲﹐等女友唔会再谂起以前同吴克羣拍拖要收收埋埋嘅境况，等佢哋嘅恋情可以光明正大下得到大家嘅祝福。