50亿驸马好离地？吴家乐：食碗车仔面就开心

etin

吴家乐贵为其士集团50亿驸马，由拍拖到生仔都被人说三道四。家乐与太太周蕙蕙价值观相近，两夫妇同样贴地，面对闲言闲语，他直言不会在意：“其他人根本系Nothing！”

富贵离地？戒甩追求名牌

近日在热播剧《机场特警》演“沧桑神枪手”特警的吴家乐，原来已入行二十多年，演艺成绩虽然不差，但似乎不及娶得富二代太太周蕙蕙“吸睛”，外间的闲言闲语，他却不当一回事：“坦白讲，一早有心理准备，而且我冇可能取悦到所有人，感情嘅事我哋只需要同自己、屋企人交代。我同太太成日都讲，只可以为重视嘅人花心力，其他人根本系Nothing！衰啲讲句，我做啲乜、使边个嘅，关你乜事呢？”

这对夫妇“身份悬殊”，但家乐指彼此价值观相若，太太要求生活简单、朴素，比他更贴地：“其实系佢教我点搭公共交通工具，我之前连转港铁线都唔识！大家有时唔开心，一齐走去食碗车仔面即刻释怀。以前我追求名牌，锺意玩车、储手表，同佢一齐之后对物质唔再刻意追求。”

老婆陪女追星

当日被揭发结婚在即，而且太太已有孕，两夫妇矢口否认后突然又公开承认，家乐笑说：“最近古巨基都系咁啦！家事唔系唔提得，只系我唔会刻意讲，当时亦只系想适当时候先讲啫，况且十几年前科技冇咁发达，冇谂过咁快畀人知。”如今家中三位小朋友已步入青春期，家乐自知性格紧张，某程度上令仔女“觉得好烦”，所以要学习放下：“好似个女追韩星，佢唔想畀我知，其实我冇嘢喎，太太仲带佢去澳门睇骚。（将来畀佢哋承继衣钵？）我系反面教材，当初有书唔读，依家梗系想佢哋追求知识先讲其他啦！”

时光倒流戒贪玩追上古天乐？

原以为家乐“打风流工”，他却自爆：“咁多年即使低潮时，我都仲有唔少司仪Job外快。（年薪过百万？）有，最自豪系从未试过争公司钱，搵食好重要。”与无綫大约尚馀一年期限，他未有明言会否续约，只说：“即使分手，都希望系和平嗰种，尤其呢个圈系圆，今日唔知听日事。如果选择离开，我会先畀时间自己沉淀，都计划紧做吓幕后工作。”

多年前，曾与古天乐及刘恺威等并排获无綫力捧，但家乐“后劲不继”，成绩不及一众老友，他坦言：“当时唔识把握机会，亦唔系好识处理人际关系，时光倒流嘅话，我应该可以做得好啲。坦白讲，年轻时一唔使开工，我就会约脚打牌，生活糜烂，后嚟先觉得好对唔住自己同家人。我知道自己嘅执着某程度上令工作人员唔想再合作，依家我好珍惜每个演戏机会，唔介意戏份、角色，只要有得做就唔会托手㬹，直至大家唔想再睇吴家乐演戏！”

跑上瘾自得其乐

吴家乐热爱运动，跑步、打拳及揸电单车已成生活不可缺少的部分，当中尤其“迷恋”跑步：“因为好方便，唔使专登约人。只要有一对跑鞋同一条短裤，已经可以自得其乐。”面对圈中一众后起之秀，家乐指他们比自己更勤力：“我喺佢哋咁嘅年纪时，仲系浑浑噩噩，唔知自己要乜。依家同佢哋好似高海宁等出埠拍戏，收工唔系约埋吃喝玩乐，而系一齐去跑步强身健体，应付工作需要！”