胡鸿钧唔覆机！许廷铿认少联络：等紧佢

etin

歌手许廷铿（Alfred）到电台宣传新歌《无力感》，问到可有叫与传不和的胡鸿钧（Hubert）听新歌？他表示：“我有send畀好多朋友，佢都唔例外，我哋确实近排都真系少联络，不过我都有少少唔好意思嘅，我同蔡思贝都真系唔太认识，但佢又好似成日要答我啲嘢。”他又笑言自己只是“读者铿”：“如果佢哋有进一步发展，我都系读者，食花生睇呢件事发生。”

问到有传他与Hubert因蔡思贝而反面？他就谓：“唔觉得反面，佢有message我，佢话工作上有啲嘢要处理先，之后会搵我，之前邓小巧、林欣彤音乐会我都见唔到佢，呢排真系少联络。”问到可是嬲对方有异性冇人性？他笑言：“唔会咁讲，我身为读者都期望佢有个说法话番畀我知，等我唔好蒙在鼓里，不过佢少覆。（你冇问佢？）我有message佢，但佢真系少啲覆。”
问到对方少覆他？他坦言：“系呀，我明大家有大家工作麻烦，但失联系会令人担心。（你哋对上一次联络系几时？）唔记得啦，但呢行系好易大家有段时间想处理自己情绪先，但之后都会搵番，所以等紧佢回覆。”讲到有指两人半年已没聚会，问到之后可会约出来？他表示：“呢段时间非必要都唔会出嚟。”

而讲到他新歌宣传相“露肉”，他笑言：“系个新挑战，今次就露膊，唔知点解大家咁多emoji，Joyce（郑欣宜）send咗个雨云emoji，好似挑拨大家想叫我再露低啲，但够啦，有个意味就得，无力感系讲大家赤裸面对自己情绪，呢段时间大家都有无力感，但大家一齐向前行。（网友笑你身材？）有咩？不过身形线条不嬲唔系我强项。（迟啲再多啲性感嘢睇？）够皮啦。”他又讲到MV有张振朗的姪仔演出其童年，笑言自己小时候都是肥仔，又大赞对方演技好：“可能大个系影帝或张振朗。”