爱回家“六美饭团”加入新成员 原来系佢！

etin

处境剧《爱‧回家之开心速递》嘅一班演员十足一家人咁好感情，而呢日“Helen姐”姚莹莹就喺社交网大晒与“六美饭团”好姊妹嘅合照，当中除咗吕慧仪、汤盈盈、刘思希、何绮云及沈可欣外，仲多咗一位新成员，即获网民纷纷竞猜“何方神圣”！

不过睇真啲，原来呢位“女子”竟然系“Terry”李伟健反串扮成嘅，认真估佢唔到！李伟健亦有喺社交网上载合照，并留言笑指：“我相信观众嘅眼睛系雪亮嘅，好明显...我或者...可能...也许都系一个靓女。”网友纷纷指认佢唔到，而唔少圈中好友都大赞佢“靓女”，其中刘思希更笑指：“好似玛丽莲梦露！”