【14日后】蔡卓妍一出关即冲去见“老细”

etin

艺人蔡卓妍（阿Sa）早前在马来西亚返港后，日前已完成14日家居隔离，估唔到阿Sa“出关”想见嘅并唔系男朋友石恒聪（Anthony），而系佢一班好锡嘅狗仔！

难得有得出街，见阿Sa都化番个淡妆探佢哋，仲好开心同佢哋影合照，感情相当要好，不过阿Sa透露原来呢班狗仔已经变晒咗公公婆婆，更有白内障，她在社交网留言：“终于可以去妈咪屋企探我啲老细s，我啲老细s全部变成婆婆公公，除咗栗子妹仲细，其他全部都有白内障，好惨呀，点解要老㗎，喺我心目中佢哋永远都系BB仔。”唔少网友话阿Sa改名够晒得意，皆因全部都系食物名，如荔枝、月饼、冰皮、碌柚同栗子，估唔到阿Sa咁为食！