咁大胆？唐诗咏公开撑Viu 惹网民追问

etin

无綫视后唐诗咏一向锺情韩剧，继玄彬嘅《爱的迫降》、朴叙俊嘅《梨泰院Class》、朱智勋嘅《尸战朝鲜》第二季后，最近佢又有新宠喇！

佢喺Instagram上载一张韩剧海报相，原来最近佢睇紧套由金喜爱及朴海俊主演嘅19禁韩剧《夫妻的世界》！有网民就留言：“Netflix？”而诗咏就覆对方“Viu”，令唔少网友都好惊讶身为TVB艺人嘅佢竟然会睇Viu？又问佢：“你系咪已经唔喺TBB（无綫）啦🤣🤣 定系TBB而（依）家冇管得咁严？”之后诗咏就冇再答喇！

原来有唔少无綫艺人都有追睇呢套剧，好似姚子羚、陈敏之、黄翠如都分别喺诗咏个Post留言话“追紧”、“好睇到爆炸👍”、“未睇，我都想睇”！而《夫妻的世界》现时正喺黄Viu热播，每集内容都好刺激，备受追捧！

诗咏留言：“一直都有一个疑问　亚洲人改编外国剧本　出来的效果会否变得不伦不类　这个是改编自我最喜爱的英剧《doctor foster》的韩剧　《夫妻的世界》证明了他们的能力与实力　当然剧情跟演员的演绎方法会有所不同　欣赏他们不会盲目跟足原著　而放弃属于自己的感觉和温度　改篇得非常精彩”