吕慧仪张景淳匿VIP房咿挹

etin

吕慧仪日前被揭发晦气闹走无綫主播后，有工作人 员爆料指她向来摆款“睇人嚟恰”， 专虾小角色包括《爱．回家之开心速递》“群姐”、“池美丽”及“陈师奶”，更惊爆她与张景淳时不时偷偷入化妆间VIP房 “咿挹”！

艺人吕慧仪（长脚蟹） 日前拍摄《爱》剧时被指闹爆娱乐新闻 台女主播周佩婷，搞到对方急急离开录影厂，虽然她事后表示得啖笑当宣传，但有幕后人睇唔过眼，爆料指她人如其名，“长脚蟹”横行霸道！爆料者指她爱摆阿姐款、巴巴渣渣：“佢对啲资深演员梗系唔敢‘阿支阿左’，但对啲小角色好似‘群姐’、‘陈师奶’同‘池美丽’就唔同，全部都‘领’过佢啲嘢！明显睇人嚟恰啦！”又指她有次对“陈师奶”态度很差，全场睇完O晒嘴。不过，最爆的是吕慧仪死口不认跟张景淳拍拖，但其实剧组个个都知两人是甚么关系，更指他俩经常不见人两、三粒钟，躲在化妆间的VIP房“咿挹”！

“陈师奶”：有时系忟憎少少

记者就此问过“群姐”许思敏、“池美丽”锺凯琪与“陈师奶”孙慧莲，问她们是否怕得罪人冇得捞而不敢出声，群姐说：“咁又冇！（NG时畀佢闹？）又唔觉真系闹，可能大家接受嘅感觉唔同啦！老实讲，我都唔系好多NG，提点吓系有……佢都想大家快啲收工啫！”池美 丽对于被喝骂一事指OK：“可能我钝啦！大家都合作咗三年，新年嗰阵都有𢭃佢利是。（平时吕慧仪对人语气系咪好差？）有阵时讲嘢直来直往啰！（语气唔好？）咁讲啦！有时自己做得唔好，佢都系指点我！”陈师奶则坦言“熊家”上下都好好：“佢（吕慧仪）有时系忟憎少少，语气大细唔紧要，各有各教我嘅方式，自己做得唔好……唔开心会有，但一阵咪过啰！”

吕慧仪与张景淳关系一直非比寻常，如今被爆辟室“咿挹”，她受访时没否认共处一室：“吓……系！我哋有阵时要互相帮大家拍片放上网啫！周围都有闭路电视， 大家唔好谂咁多啦！（下次叫多个人咪唔会误会啰！）唔会专登啦！此地无银，真系唔想再答，大家都咁大个 人，做好本分，闲话少啲啦！”

认讲嘢大大声：天生㗎喎！

至于有否大声闹“群姐”、“池美丽”与“陈师奶”，她解释：“唔知啲人点解咁讲！我同佢哋玩就多，‘群姐’成日请我食嘢，‘美丽’又帮我班口罩，可能我成日讲嘢大大声，同我相处开嘅人知我系点，唔会觉得有问题，唔知嘅人可能觉得‘哗！你做乜咁大声同人讲嘢！’（讲嘢低调啲？）好难喎！天生㗎喎！同我一齐做嘢嘅人明白就得。啲人可能睇得剧多，以为我好似熊若水（剧中角色）咁，睇得太投入喇！”

另外，吕慧仪昨日在剧集记者会上与张景淳齐齐受访，她笑言已学会温柔地说话，在旁的张景淳即护航：“依家啲人讲嘢细声我都要听多次，但佢其实都系一个尽责同直率嘅女演员嚟嘅。”