同邓佩仪开拖！蔡思贝劲委屈险泪洒街头

etin

艺人蔡思贝、邓佩仪（Gloria）日前为无綫剧集《踩过界II》在湾仔街头拍摄外景，剧情讲述思贝想说服Gloria放过“盲侠”王浩信，但对方未有理会，最后反被盲侠致电怪责，令思贝委屈得双眼通红欲哭。

暂别张振朗

思贝提到新播的剧集《机场特警》中再度与张振朗合作，问到会否担心观众睇到闷，她坦言：“我同振朗都好耐冇出剧，观众见我同振朗都系三年前嘅《踩过界》，所以应该都ok。不过今年如果播得到嘅剧，仲有两套系我同振朗合作，好在我哋喺三套剧入面嘅关系同角色都唔相似。”她表示两人都有共识暂时不要再合作：“虽然大家好锺意嗰种默契，我哋可以由朝倾到晚都系讲戏，好享受呢种工作关系，但我哋觉得要突破，如果再合作只会留喺同一个位，再合作要隔一段时间。（合作旅游节目？）如果系应该会好开心，我哋两个好夹，都可以提议吓。（怕唔怕有磨擦？）可能㗎，咁到时就考验我哋嘅友情。”

邓佩仪嫌唔够奸

至于Gloria在剧中客串其中一个单元，她称角色有点双重性格，算是奸角：“其实一直以来我最希望系演坏女人角色，我想证明畀大家睇虽然个样唔似，但都系可以做到，系好大发挥，我今次嘅角色只系初级奸，我想系进阶数级嘅奸。”另外，讲到政府实施限制四人以上聚会及关闭部分娱乐场所的条例，她称对她没有太大影响：“因为我平时冇工作就留喺屋企，我系宅女，所以问题不大，我会做运动、学唱歌同煲剧，唔会觉得闷。”