乐做“家庭主夫”！罗力威养到雨侨变公主

etin

歌手罗力威现时变身“家庭主夫”，全天候服侍怀孕太太雨侨，不让她操劳，打理家头细务对他来说易如反掌，只是买餸煮饭还在学习阶段，绝对是廿四孝老公！

最烦系狂洗手

将荣升人父的罗力威接受专访，他透露现时主理所有家头细务，并贴身照顾太太雨侨，不但洗衫、吸尘、抹地、洗碗，最近更买餸、煮饭、煲汤：“自己仲系初哥，好多时系边买边煮边问，好多时分量都系撞，有时好食，有时麻麻哋，但因为想屋企健康啲，所以呢几个月系咁。（太太变公主？）尽量做到乜咪做，我以前食佢煮嘅嘢多，佢煮嘢好好味，我自己唔煮都唔知啲嘢咁难煮！一煮饭最烦系要洗好多次手，好彩未洗到手烂。”他亦乐于做“家庭主夫”：“系煮饭要买餸同多啲洗手烦，洗碗、抹地、吸尘、洗衫，一日加埋都唔系用好多时间。”

老婆话晒事

两人拍拖七年、结婚两年，相爱近十年可有爱情保鲜秘诀？阿威坦言：“真系冇乜秘诀，咁多年唔需要花巧，相处系爱一个人就会为佢做咩都得。”又指由太太话事做主导：“你当我净系识出力，例如去旅行，我可以大力拎晒啲嘢，但度行程各样嘢就系佢负责，佢主导、我执行。（佢话事多啲？）佢话事当然冇问题，正如每餐饭我食乜都冇问题，佢食乜我就食乜。”

转饮红酒

工作方面，阿威最近推出新歌《仙水》，讲述人生遇到困难，有不同方法找到情绪发泄的出口。问可会饮酒纾压？他说：“我系锺意喺大牌档饮吓啤酒，其实以前锺意饮白酒，但饮饮吓跟咗太太饮红酒，以前我会饮多啲，一路饮一路弹琴创作，但同阿侨一齐咗之后，两人生活就唔系咁，依家就冇乜饮啦，可能夏天先饮吓啤酒吓火！”