冯盈盈枕头遮身当裙着 网民：真系全裸？

etin

新冠肺炎影响下，艺人工作量都大减，多咗唔少时间留喺屋企，所以都要搵嘢做打发时间嘅！而近期就突然涌现咗好多challenge游戏，继“耳筒线绕腰”、“唇膏放锁骨挑战”后，又流行一个“枕头裙挑战”。

前港姐姐冯盈盈亦立即潮跟，喺社交网上载一张打扮时尚的照片，骤眼睇以为系条露肩短裙，其实系一个枕头，佢用皮带固定位置，潮味十足，其白滑香肩同修长美腿，相当养眼！佢留言话：“20200411，隔离的生活，枕头挑战。闷中作乐，又几啱身喎，可以随时随地瞓觉。”唔少网民都建议佢可以就咁行出街，又问佢系咪真系全裸呢？

另外，邓颖芝亦加入挑战行列，以白色枕头当时装着上身：“星期六有节目，今日着靓啲，我化埋个妆就行得啦，Fashion嘅嘢，我真系唔识㗎，潮流尖端​，到底喺屋企有几无聊。”