畀张卫健吓到脚软 黎宽怡爆喊上位

etin

无綫节目《东张西望》的“爆喊主持”黎宽怡（猫仔）考入2017年艺员训练班入行，自言细胆的黎宽怡指考训练班已经是她做过最大胆的一件事：“做演员系细个嘅梦想，觉得喺电视机出现系一件好开心、好幸福嘅事。但系冇谂过考到，填表嘅时候要填有咩才能，自己填咗N/A落去，因为真系冇才能，唔想讲大话到时献丑，点知经过三次面试之后收咗我，觉得好神奇。”

黎宽怡训练班毕业后获拣选加入《东张西望》做主持，加入节目一年来最令观众留下深刻印象是多次采访时爆喊，她说：“自己系几易喊，睇《多啦A梦》都可以喊，访问张卫健大哥太紧张喊，第二次系访问黄宗泽，第三次就系喺老人院试着约束衣。最深印象系访问张卫健嗰次，紧张到唔知自己问咩，讲错嘢、好样衰，所以忍唔住喊，吓亲佢哋真系唔好意思。Writer（编剧）之后话我冇即刻走开都算系咁，其实我系吓到脚软走唔到。”

不过，亦有网民质疑黎宽怡爆喊博出位，她解释：“可能我系一个感性嘅人，人哋会觉得咁少事都触动得到，但系我就系一个咁嘅人。将来尽量唔希望再喊，要好好学习控制情绪，戓者喺镜头后先喊。”

除了主持工作外，黎宽怡亦为《爱．回家之开心速递》客串演出，她说：“最想同黑仔哥（姜皓文）合作，觉得佢好型，访问嘅时候好友善，我谂同佢合作就算我乜都唔识，佢都肯教我。”