姪仔演自己童年！张振朗赞劲好戏

etin

艺人杨明、张振朗、蔡思贝、邓佩仪、何依婷和吴家乐等，昨日下午现身电视城为剧集《机场特警》宣传，一众演员即场做运动展体能。剧中扮演好兄弟的杨明和张振朗搞还当着记者面前“胸袭”对方，张振朗说：“我B（级）佢就C（级）。好多网民讲话有张振朗，就搞到好似HeHe情咁。”谈到日前一场帮张振朗捽背戏，杨明笑说：“佢背肌好劲，搞到我手指唔够力，要改用手踭去按！”

原来每集开场短片，扮演“童年”的小朋友，正是张振朗真正姪仔。谈到荣升“星叔”，他谓：“好多网民都发现咗，我觉得佢同我似样，况且想畀佢见吓世面。（佢好好戏喎。）如果跟佢学，我就唔会演得咁衰啦。（佢有片酬？）有，我冇收佢（钱），佢父母有冇我就唔知！”

至于杨明于戏中与何依婷的捽大髀戏，女友庄思明并未有打烂醋埕。日前二人在家庆祝拍拖4周年，杨明表示：“由于疫情关系，所以叫外卖。嗰日系我哋第1次拍片，有待改进。”​