陈炜厨神上身煮两味 何倍倩赞超好味

etin

名媛何倍倩（Anina）邀时装设计师何国钲，合力推验证区块链技术，搵到艺人陈炜挑战用经验证的材料炮制安全美食，陈炜入到厨房即厨神上身，三两下手势便煮出越、泰菜式及抗疫汤水，同时成功证明自己将会是睇得又煮得的好老婆。

陈炜出名入得厨房出得厅堂，对厨艺甚有研究，她说：“煮餸其实万变不离其中，每道餸少少变化就唔同，依家工作咁辛苦，疫情下好需要饮多啲汤水，令免疫力强啲先可以打仗。（最强边样？）汤水，有啲滋润，有啲增强免疫力，有时加啲中药、加蔬果，好多变化，最近锺意煲鱼汤，因为猪肉贵，又多啲蛋白质。（男友锺意饮？）煲乜佢都饮。”经常带汤开工的她，笑言常会万岁汤水：“都会煲埋畀同事，煲一大煲唔好嘥呀！（万岁汤水？）拍戏辛苦虚火盛，成日夜晚开工，有时煲吓糖水添！”

Anina即场试食陈炜的手势，大赞超好味：“佢今次煮嘅越式紫米卷、焗咖喱鱼旦春卷、抗疫中汤和党蔘茶，菜式简单唔复杂。好似鱼旦，有啲家长可能会担心，鱼旦唔知乜嘢成分，唔畀小朋友食，我哋查到啲鱼旦得到WWF认证，冇用濒临绝种嘅鱼，比例上高浓度鱼肉，钙质仲高。”

她留意到近日好多人心态转变，她说：“我一路做紧追溯产品嘅安全性、源头及可持续性，发觉今年啲人有啲改变，以前佢哋想知多啲产品嘅嘢，依家主要想知道产品有冇菌，成为重点。我哋仲可以帮啲餐厅认证埋佢哋嘅清洁状况，几耐做一次杀菌消毒，甚至乎，清洁姐姐清理洗手间的次数都可以一嘟就知道，我觉得继续做落去，迟啲就变咗一个好乾净嘅香港。”​