有得唱非剧集歌 吴若希感动爆喊

etin

歌手吴若希（Jinny）昨日开Live宣传新歌《这位蠢才》，期间提到唱非剧集歌时，她表示好开心感动歌曲，不用只在剧集插曲或主题曲听到：“唱剧集歌唱咗咁多年，啲人唔知我唱过非剧集歌，其实唱剧集歌之前，几只碟都系唱自己歌，我系因为唱剧集歌多人识，觉得我系属于剧集嗰瓣，所以当我可以唱非剧集歌嘅时候嗰个喜悦系好大，派歌前一晚仲瞓唔着觉，好期待！”她坦言有时都几灰：“做咗歌手咁多年大家觉得我系艺人多过一个歌手，其实我想话畀大家听我系唱歌。”

她续谓：“呢个机会我争取咗好多年，所以我好珍惜今次机会，唔知下次几时可以再派非剧集歌。”然后开始哽咽，其后爆喊表示：“其实真系感动！寻日第一日派歌收到朋友message，话我唱歌真系好好听，佢同我讲呢两年冇乜听我唱歌，因为好多都系剧集歌。”之后她喊到讲唔到嘢，并用手抹眼泪：“想话畀人听我识唱歌，同埋我有努力过同付出！”之后又笑言：“老公入咗嚟喺度笑我。”但她都感恩多谢公司，因为剧集令到其声音去到更远。