李君妍被Out？傅嘉莉升呢《姊妹淘》主持

etin

无綫艺人李君妍原本作为《姊妹淘》新血，但因同住家姐确诊新冠肺炎令佢工作叫停，而佢都已经入住检疫中心隔离。另边厢，曾一同合拍剧集《特技人》嘅傅嘉莉（Kelly）就喺Instagram公布加入节目：“听日开始会另外一个新挑战　我会首次升呢做《姊妹淘》主持　已经紧张咗两星期，你哋会唔会支持我呀？#model时候开始做嘉宾”

有网民就猜测会唔会取代李君妍？而唔少留言都举脚赞成佢加入，大赞佢有长腿，笑言坐上“蛊惑的櫈”后，一定唔会掂唔到地呀！

傅嘉莉昨日喺将军澳电视城为节目《姊妹淘》担任主持。近日主持之嘅孙慧雪同蔡嘉欣要自我隔离，而原本有开工嘅蔡嘉欣就取消咗通告。

问到首日开工嘅傅嘉莉系咪顶替蔡嘉欣？佢话：“唔系，我两个星期之前已经录影第一集，但系因为配音嘅时候，有个公司同事出现疑似嘅病征，所以我都自我隔离，好彩个同事最尾都冇事。不过，节目都会多咗出镜，因为有疑似个案，监制为安全起见都安排咗有小朋友嘅主持好似孙慧雪、吴若希唔使拍节目住，同埋有小朋友嘅嘉宾杨潮凯都换咗人。”

问到开工会唔会担心“中招”？佢话：“厂同办公室都消毒咗，同事之间都有人发起团购新冠肺炎嘅快速院检查盒，万一有疑似个案都可以自己喺屋企做检测先。”首次担任节目主持嘅傅嘉莉，透露十几年前做模特儿嗰阵，已经为节目担任嘉宾，依家到自己做主持，好在有呢个节目始祖庄思敏傍住，都比较放心。