马国明力撑心颖复出：唔好抹杀佢嘅努力！

视帝马国明在将军澳电视城为新剧《BB大晒》，马国明自嘲剧中赖蛤蟆食天鹅肉娶得女神岑丽香为妻，他笑说：“剧里面我系一个粗人，香香就系文青女神，我睇完剧本都唔明香香点解会拣我，不过，佢就好专一，一心一意对老婆。（似你咁专一？）戏内啫，戏外就唔知喇，系男人都花心，谂吓都好呀。”

唔忍心诗咏被假传大肚

马国明最近被指是第三者介入唐诗咏的恋情，更被传令唐诗咏“怀孕”，令到他大动肝火，他说：“其实唔系好愤怒，可能隔住个电话回应有咁嘅错觉，不过都清清楚楚讲番件事。我唔想喺诗咏同男仔之间有我个名，我真系唔知佢哋系咩关系。好似拍《On Call 36小时》我都唔知罗仲谦同杨怡拍拖，我做人不嬲都唔八，我系好抗拒人哋写我系第三者，好似胡杏儿同黄宗泽分手又话系第三者，我都即时出嚟澄清。”马国明又指传唐诗咏大肚的新闻实在太假，他说：“呢啲新闻对女仔嚟讲唔好听，咁样写又于心何忍呢，绯闻笑吓冇所谓。不过好似如果呢套剧传我同香香，人哋有老公、有小朋友，咁就唔得。”

懒理心颖新玫瑰纹身

讲到旧爱黄心颖被发现脚上纹上玫瑰纹身，马国明笑说：“我又唔知，佢自己锺意啦，唔可以代表佢发言。不过我就唔会纹身，因为我好花心，我惊今日纹咗，听日又唔锺意要铲咗佢。”讲到黄心颖称无意转行，等待复出机会，他说：“我支持佢嘅，每个朋友我都想佢好，呢啲等公司安排，有好多嘢唔使睇得太重，唔好一样嘢就抹杀晒人哋多年嘅努力，希望佢会继续努力，希望大家会对佢改观。”