佘詩曼預告孖陳豪黃德斌合體拍網劇

藝人佘詩曼（阿佘）穿上紅色露肩連身裙到澳門出席鐘錶品牌活動，她表示選擇手錶講求心頭好及精緻，自己亦有儲錶習慣，但因價格高昂愈來愈少儲：「其實唔係買好多，都係一輪輪，有時儲吓首飾。」她指手上的腕錶入面有識得郁的小鳥，是品牌全球只有一隻，故希望將來男友是屬於她的唯一一個。

等衝破4千萬票房好消息

佘詩曼有份主演的賀歲電影《棟篤特工》票房報捷，她直言等待好消息，能夠衝破4千萬港元，稍後3月2號會有慶功宴。談及黃子華洗脫「票房毒藥」之名，她說：「佢都喺劇本上花咗兩年，都多謝佢設計個好特別嘅角色畀我，呈現唔同嘅我畀觀眾睇。（內地上映未？）應該喺3至4月嘅時候。」戲中有不同政府高官角色，在內地上映會否修改？她說：「好多戲香港同內地上映都會有少少改動，相信唔只呢一部，我有幾句對白都有作微調，但都一樣咁好笑。」

阿佘透露三月尾會接拍戚其義監製的網劇，熱切期待這個全香港人的班底，會到不同地方拍攝：「有陳豪同黃德斌，都等咗佢起碼6年，但今次劇本我哋冇作參與，好想出Trip出耐啲。（會否先收錢？）呢個唔關佢事，會依合約辦事。」而她對於首次擔任律師角色，坦言十分擔心：「實在太多嘢講，好多資訊性嘅對白。」