梁家輝「登六」 阿佘見偶像勁怕醜

影帝梁家輝喺嚟緊下個月1號就正式「登六」，向來圈中人緣甚佳嘅佢就獲一班好友同佢預先慶祝60歲生日。而早排同佢合作電影嘅佘詩曼（阿佘）都有出席，仲喺網上晒出同家輝慶生嘅相，就話：「Happy birthday 偶像！All the best to you！（最真誠嘅祝福）」相中見到有家輝太太江嘉年、上山詩鈉、邱淑貞、范姜等亦有出席，有咁多好友為佢慶生，難怪家輝笑不攏嘴，大家仲齊齊做一個6字手勢，慶賀家輝登「六」呢個大日子！

另外，阿佘仲甫咗同家輝面貼面拎住蛋糕相，個樣仲好似有啲怕醜添！唔少網民都送上祝福，仲搞笑話阿佘個樣好少咁怕醜，似乎佢真係好鍾意家輝喎！