傷到一撻撻！張振朗苦中作樂當係紋身

藝人張振朗早前被帳篷壓傷腰部，為免拖累新劇拍攝進度，佢寧願負傷上陣拍劇，仲拍到凌晨3點都冇怨言，夠晒敬業樂業！不過通頂開工最怕「周公」探訪，張振朗用一招KO恰眼瞓，就係攞起電話用APPS自拍，並放上社交網與眾同樂。見佢仲扮貓咪，喺頭上有對貓耳咁Cute，唔知係咪望住呢個嬌俏樣寧舍醒神呢？

隨後張振朗再度喺網上發文，並上載咗一張接受物理治療嘅相，見佢背脊同條腰有一撻瘀痕，睇見都覺痛！難得張振朗識苦中作樂，仲留言話：「呢個紋身幾靚。物理治療嚟講，爽嘅！頂住！」加油呀！