好老公郭晉安為老婆煮生日飯淥親手

藝人郭晉安同太太歐倩怡結婚多年，係圈中嘅模範夫妻，近日郭晉安拍完無綫劇集《再創世紀》後，話會同屋企人過一個白色聖誕節，仲話到明年中先會再拍劇。

趁住呢個休息時期，郭晉安化身「住家男人」，今日喺微博透露幫今個月16號38歲生日嘅歐倩怡整生日飯，點知郭晉安唔小心整親手，仲影低傷勢上載去微博，見手腕附近嗰位紅咗一撻，似乎係唔小心淥親手，郭晉安寫道：「原來為太太做一頓生日飯都不容易的！ ​​​​」唔少網友見狀留言叫郭晉安要小心啲，仲話估計歐倩怡見到老公咁樣，下次都唔畀佢再入廚房煮飯！