睇好马国明封视帝 王浩信赞实至名归

无线小生王浩信、马国明、萧正楠、袁伟豪、洪永城、陈山聪等在将军澳电视城为晚上举行的《万千星辉贺台庆》拜神。王浩信与全台明星将表演大型序幕歌舞，企正中间献舞的王浩信说：「好紧张，因为寻晚先系第一次排，今年歌舞好多舞步，自己又企喺明显的位置，因为拍剧排的时间少咗，希望唔好出错。（跳舞你已经最好？）唔好咁讲，因为拍剧都冇练一排，陈山聪都跳得好好，佢成日提点我。」

讲到今晚台庆奖金奖品超过五百万港元，王浩信笑说：「自己冇乜抽奖命，希望啦，希望今年有啲运气。（攞视帝紧要啲？）平常心，边个攞都开心。（网民推马国明做视帝？）正呀，马国明都系实至名归。（觉唔觉马国明系威胁？）冇谂咁多，如果马国明攞更开心，佢好似攞过角色奖，视帝就未攞过，如果佢攞就更加好。（有咩办法拉票？）希望大家支持《溏心风暴3》，上年自己套剧就距离颁奖礼远啲，希望今年套剧可以帮到手。」