【拍劇零緋聞】自認魅力遜陶大宇 歐陽震華：無關頭髮少

歐陽震華（Bobby）昨晚出席無綫台慶劇《誇世代》首播飯局，他透露親友亦同場訂枱晚膳睇明星，並搞笑說:「我粉身碎骨也為珍姐（無綫高層曾勵珍）返來拍劇啦，難得拍劇半年都愉快，通常有我多是非，唯一是入行30年都無緋聞，我真無面！」

Bobby笑指當年拍《壹號皇庭》時已吸引不到異性，「屋企人都問過我『真是一個都無？』，要揀都揀陶大宇啦！就算他不要，難道要我執手尾，我都唔鍾意爭食、爭玩！當年蘇永康又一身名牌，連黎耀祥都靚仔過我。（是否輸在少頭髮？）頭髮唔代表什麼，阿姐（汪明荃）都Like家英哥啦!」Bobby更希望《皇庭》演員能再合作，其中幾位已私下變好朋友，但也明白現時再組班確實有點難度。