7年前與謝安琪同患抑鬱 張繼聰︰服藥後死頂現身頒獎禮

2010年，回到張繼聰未紅時，當年的他事業沒什麼起色，加上身邊有個在樂壇當紅的太太謝安琪，所以不斷被外畀以「女尊男卑」來形容2人的夫妻關係，有網友甚至為他改名為「廢柴老公」及「謝繼聰」。7年後的今日，張繼聰片約不斷，又密密拍攝無綫劇，謝安琪就在享受當全職媽媽的樂趣，計劃休息至明年才復出。撐起成頭家張繼聰昨晚突然在facebook有感而發，寫下600字長文及分享2010年商台頒獎禮片段，自爆當年與謝安琪同步患上嚴重抑鬱病，卻要雙雙頂硬上出席商台頒獎禮時的心情。

他說︰「當時我嘅抑鬱病非常嚴重，非常想又非常怕去依（呢）個Party 。想去，係因為太太當時成績非常出色，我一定要係（喺）現場支持佢同見証（證）佢努力嘅成果❤️ 怕去，係因為我當時嘅成績非常冇乜成績.....😏片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會比人點嘲笑，總之九萬幾個層次又li 又lu .....同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙俾（畀）佢嘅試....」

張繼聰續說︰「你話世界係幾奧妙？快唔快樂，原來同得到幾多無關。 快樂，其實係因，唔係果🙏🏻 如果你咁得閒睇到嚟依（呢）到，朋友，我想講嘅係，每一個經歷其實冇乜意義，意義係由自己去界定，但係一定比你想像中美好同重要，就算當時係幾惡啃都好，好好行自己嘅路就掂👍🏼就好似我家吓睇番段片，發現原來果（嗰）日唔係路障，而係加油站🍃令我選擇之後嘅路，決心尋找快樂同自在。亦係果（嗰）日，令我更有勇氣去更多嘅頒獎禮，食更多嘅白果😂所以你話，人生幾美好，根本就冇衰嘢。」