近日秋高氣爽,天朗氣清,確實幾適合曬太陽。平時愛在社交網站分享囝囝「小春雞」生活點滴的黎諾懿,昨晚在instagram上載抱住囝囝在露台,面對靚景曬太陽的短片,黎諾懿還說:「咁好天氣,咁猛太陽做啲乜?梗係2父子曬太陽啦,你睇吓My Son幾有型,雞仔鍾唔鍾意曬太陽呀?」 雖然2父子戴了墨鏡,確實是有型父子兵,不過問題在於露台的欄杆,看上去較矮,黎諾懿抱仔時又貼近露台欄杆,加上現場又有風,「小春雞」動作大兼郁身郁勢,睇片都覺得牙煙,不少網民紛紛留言,叫黎諾懿小心些:「你唔好行咁近,好牙煙囉﹗」﹑「好危險呀,帶條孭帶先」﹑「好似好危險呀,小春雞係咁郁﹑動作大,睇見都怕怕。」﹑「嚇死人咩,嚇到我心離一離。」,就連身為人母的陳敏之亦留言:「小心跌咗佢出街呀!」
|