|
由林文龍、艾威同姜大衛主演嘅《三面形醫》,該劇突破電視尺度,除披露整容過程外,仲有好多特技效果迫真嘅鏡頭呈現。
劇中楊淇於一次山火意外中嚴重燒傷,喺鏡頭前半邊面容於火焰中燒至潰爛,片段長達7秒,見楊淇痛不欲生,效果迫真。總導演關樹明今日於電話中強調非要挑戰電視尺度,佢話﹕「我哋用咗好多慢鏡方法拍攝,係想畀觀眾感受到佢哋所受嘅傷害,更深切了解傷者未來要面對嘅情況。」
另一場爭議場面,係姜麗文同張雪芹嘅「sheshe」吻戲,關樹明續解釋﹕「其實lesbian(女同性戀者)唔係一種病,係一個狀態,世界上有好多道德標準,你唔講唔代表無發生過,身邊可能都有啲咁嘅朋友。」
|
|