艺人萧正楠向来识煮几味,最近更为myTV SUPER自家制的高级饮食节目《Testing Menu》担任主持,一连拍了10集,与多位星级大厨齐齐研究菜式,炮制包括中、西、意、法等不同地方的星级名菜。日前,阿萧就去到尖沙咀一间法国餐厅,跟米芝莲法国大厨Nicolas Boutin齐齐研发菜式,新菜式之后都会收进每一间餐厅的Menu入面,阿萧今次可谓威尽香港厨坛! 带翠如食好嘢 他受访时说:“今次都大开眼界,真系只有节目入面先会遇到咁多米芝莲厨师,我哋今日整咗个黑松露洋葱,真系好有层次,厨师喺每一层洋葱入面放咗黑松露入去,好精致。”说到菜式会在各餐厅登场,届时可会带老婆黄翠如逐间品尝?他说:“梗系会!有好嘢食梗系要带佢去,从来辛苦嘢都系我做,今次个大厨都有叫我带埋太太嚟,好想亲手整畀佢食。” 新年煎糕二人世界 问到厨艺是否大跃进?阿萧说:“翠如真系觉得我煮嘅嘢好食咗、层次多咗,佢系我只白老鼠。(老婆嘴唔嘴刁?)佢唔嘴刁,我哋两个都好简单。(会唔会同翠如恶补厨艺?)唔好浪费时间喇!佢依家系艺术家,锺意画画同玩陶瓷,本身佢都系艺术家嚟,依家多咗时间,咪多咗样兴趣。”疫情之下工作不多,为何不积极造人?他即扯开话题:“我哋已经好好做人㗎喇!等佢食多啲嘢先,佢好弱鸡!” 疫情关系,阿萧新年在家中与老婆煎糕食,问有否挑战自家制萝卜糕?他说:“都知步骤点整嘅,不过唔会啦,我外母整啲糕好好食㗎!都系食外母嗰啲。”
|