张頴康长文宣布离巢 结束与无綫19年宾主关系

etin

艺人张頴康刚同太太麦雅致庆祝结婚13年，原来佢人生都有新发展，昨日佢发文表示要离开工作19年嘅无綫，感激多年嚟嘅演技训练，更令佢认识到好太太麦雅致，可以好自豪表示自己系“TVB栽培出嚟嘅演员”，但未有表示自己下一步有何新发展。
张頴康离巢长文：

再见了TVB！所以喺TVB嘅最后一日，影咗啲相留念！19年，真系一个唔短嘅日子！拍完最后一个镜头，原来眼泪真系会忍唔住流咗出嚟！19年前，获安排咗我加入TVB嘅训练班，希望我可以好似家栋哥哥一样，接受TVB木人巷嘅训练！我好记得入TVB前，家栋哥哥同我讲咗句说话：“入到去，乜都唔好理，耷低个头就做，你一定会学到嘢！”确实，遵从呢句说话，19年后我真系成为咗一位实实在在嘅演员！多谢你哋！同10年前我攞飞跃进步男艺员上台时讲嘅一样，我要多谢家豪哥，小青姐，黄伟声，张乾文，陈志江，方俊钊！多谢你哋俾咗好多机会我，成就我演出咗多个感动到观众嘅角色！喺最近呢几年，我好庆幸可以同77工作室合作多部剧集！我特别要多谢佳哥（锺澍佳）对我嘅支持同鼓励，令我愈演愈有信心，让我喺呢两年内对演戏领会到另一个层次！多谢TVB！多谢你俾咗我一个咁好嘅平台，让广大嘅观众认识到我呢位演员！多谢你俾我认识到我眼中独一无二嘅女神麦雅致，然后仲成为咗我嘅老婆，畀咗我一个幸福完美嘅家庭！好喇！19年后嘅今日，我终于可以好自豪咁讲一句：“我张頴康，系TVB栽培出嚟嘅演员！”各位战友，江湖见！