陈奕迅饱受焦虑症煎熬 两年多至今仍未停药

etin

歌手陈奕迅（Eason）近日接受郑裕玲的网上节目访问，提到他的焦虑症时，他透露已经好了一大半，直言最焦虑的事情是演唱会不能失场：“我点解会去睇医生系因为嗰次失声而取消咗个骚，我咁耐以来未试过面对，如果我系啲观众我会好失望，其实我不妙咗成晚，我嗰排瞓得好唔好，前一晚第100场，我兴奋得滞去得尽得滞，自己又唔够瞓，后来就失声，回到香港睇耳鼻喉，发现声带系有少少事，但最大问题，一系之前中咗新冠，影响咗神经系统，一系心理心问题，来自压力，我唔系好惊讶，医生介绍咗一个精神科医生畀我睇，好似平常睇医生咁，开咗啲血清素畀我食，好轻微，我一直食紧药，食紧半粒。”他称次试过忘记食药，原本心情很好，但会忽然间冒出打冷颤的感觉，有种担心及感到紧张，控制不了自己的心跳。

期间，Eason大谈童年往事，他坦承小时候试过被母亲追打，他拿着菜刀威胁说：“如果你再追住我打，我死畀你睇。”他澄清因为怕死，所以只是用刀柄，又强调父母从来没有打他，妈咪更是属贤妻良母型：“妈咪只系攞住藤条追住我，但从来冇打我，爸爸打过我一巴掌，因为我讲粗口，当年7、8岁。（之后冇再讲？）大个咗有讲，大个咗点会唔讲粗口。”他又谓以前不喜欢自己的名字，有想过改为“陈国辉”或者“陈志荣”，又曾用William作英文名。他讲到12岁到英国留学期曾被欺凌，整个人被塞进垃圾桶内，问到如何适应当地？他笑言：“我谂最吸引到我留低系啲女同学，因为啱啱青春期，啲女仔好主动，我系好怕丑，香港机会冇识女仔，去到英国成日有女仔走过嚟话you are so cute。中一开始有女仔约我出去，佢拖住我只手，我好尴尬，后来佢问我想唔想再出去，我拒绝咗佢，佢又同其他男仔跳舞想引我妒忌，但我一啲都冇，直至佢几年后发育，我就好后悔，佢后来做咗模特儿。我唔系好多拖拍，7年中学，只系拍咗两、三次。”郑

裕玲直指Eason曾有段时间脾气暴躁，他称可能因为血气方刚加上年少气盛，当年推出《K歌之王》大受欢迎，令他变得心浮气躁，问到现会否这样？他说：“依家多咗经历，我都算冇乜点跌过，算系好好彩，只系身体受伤唔系心灵受伤，以前自尊心真系好强，依家愈嚟愈冇，可能多咗人生经历。（会唔会觉得自己好叻？）唔会咁谂，只系觉得终于做完喇！”作为乐坛前辈，问到如何看待现今乐坛，他坦言:“觉得佢哋好辛苦，我哋90年代出道，其实好多嘢做，又有好多电台骚，好多歌仕出，依家系惨，个市真系唔好，10年前我已经戥佢哋辛苦，我戥许廷铿、郑欣宜、陈柏宇、周柏豪，成个乐坛愈来愈唔蓬勃。”期间他提到MIRROR：“我上次喺个音乐会演出，见到MIRROR，佢哋好似好劲，我都要Look up佢哋嘅感觉，好似好遥远，但果次喺个骚入面，成班人问我可唔可以合照，我觉得原来都可以一齐玩，佢哋都系普通人。（有冇贴士可以畀佢哋？）如果你哋热爱呢件事，你继续。”