张宝儿狂食甜嘢BB大得快 肥嘟嘟顶上横膈膜

etin

艺人张宝儿于今年6月在社交平台宣布怀上第二胎，她不时在社交网分享自己的怀孕感受，不经不觉宝儿已怀孕32周，日前（21日）她更新社交网，拍片纪录一下进入怀孕晚期的状态，她表示：“人哋话第2胎个胎会大得快，个肚会更明显，身形更加庞大，呢啲喺我身上全部都应验。今日去做产检，好感恩呢一胎，BB系好肯食嘢，所以各方都喺生长线嘅60-70%左右，生长得唔错，而去到第3孕期会检查下有冇妊娠糖尿，好在我系低风险嘅人，虽然我呢胎食咗好多甜嘢，每日几乎都会食甜嘢，以前成日血糖低，咁佗呢一胎畀我一个借口不停食甜嘢，暂时冇影响到BB。”宝儿指由于肚子现时愈来愈大，已经顶到上横膈膜，所以不能再抱起大仔袁咕碌了，她形容自己身体似小象：“觉得自己个身体好可爱，唔觉得系我嘅身体，点解可以咁肿，好可爱，好似睇紧第二件生物咁。”讲到跟第一胎的分别，她称比较容易流鼻血，而且胎动多好多，很活跃，经常见到BB的手仔及脚仔撑着她的肚皮，非常可爱。不过网民赞宝儿依然漂亮，并为她打气:“辛苦啦，好靓嘅妈咪。”