王君馨今个月预产期 孖老公撑枱脚庆生继续晒肚皮

etin

艺人王君馨（Grace）为圈外老公Daniel佗B，今个月就系预产期，安心等生B女嘅佢已经肚大如箩，不过佢都仲系冇时停，继上次吊带晒肚皮贺卫兰、卫诗生日后，依家轮到佢日前（5日）39岁生日，开心庆生嘅佢扮靓靓同老公食饭，享受最后一个二人世界嘅生日饭。佢自爆自己做足全日家务、准备BB房、搞新公司set up等，到咗夜晚就同老公食个靓饭，又忙开心。而佢亦例牌特意掀起上衣，晒出大大个肚皮畀大家睇，开心分享佢肚凸凸嘅时光，非常开心。