姚子羚马国宣传顺道拉票：视后会投番畀自己

etin

无綫艺人姚子羚、罗子溢齐齐到吉隆坡及怡保为无綫剧本宣传，二人于台庆颁奖礼都有份入围视帝、视后提名，故顺便在当地拉票。于商场活动中，现场气氛相当好，他们亦有唱歌表演，子羚指疫情过后都有4、5年未去过马来西亚，大赞当地粉丝热情。子羚表示此行行程甚赶，幸而都有时间周围食好西：“最尾嗰日，我系咁话好想食榴梿，好在都有时间坐喺个档口度慢慢品尝。去到怡保，我又饮咗杯白咖啡，跟住又去市中心试吓当地菜式，好似老鼠粉、炒贵刁同埋黄金虾，真系好满足。”

说到今年台庆她分别凭着剧集《状王之王》及《反黑英雄》角逐视后奖项，子羚坦言：“视后提名好多好犀利嘅人。（睇好边个？）其实个个都好好，但都要畀信心自己，我好喜欢《反黑》林雪儿呢个角色。今年女主角有好多我锺意嘅演员，好似杨茜尧、我好姊妹胡定欣，仲有陈自瑶，佢入行20年第一次入围女主角，薇薇（林夏薇）个角色又好大发挥，咁多好朋友一齐角逐，所以边个攞我都好开心，不过佢哋已经有好多票嘞！所以我决定投番自己。”

至于视帝方面，子羚赞罗子溢于《婚后事》做得好，但自己又不能不撑拍档张振朗，因为他于《反黑英雄》都做得好好：“唔紧要啦！可以投3个㗎嘛！仲有一个我会投畀阿萧（萧正楠）啰！虽然佢唔系凭《巾帼》入围，但系我都会投畀佢嘅。”子羚又大爆笑料，指有一日去洗手间时，子溢攞错了她的电话，递番部电话给她时，将电话跌在地上，子溢之后对子羚说：“好，如果今年我攞到视帝嘅，就送番部新嘅电话畀你。”