|
无綫小花游嘉欣(游游)近年备受力捧,除咗有份参与重头剧外,仲有得做主持,双线发展,人气急升!其实佢2019年初入行时,读紧城市大学管理学系1年级,经过4年努力,半工读嘅情况下,终于毕业啦,佢昨日(16日)于社交网大晒着住毕业袍、头戴四方帽,捧着鲜花嘅相,佢仲大晒长腿,相当吸睛!​佢留言:“天气不似预期,但要走总要飞,四年前点估到自己有日真系会戴上四方帽,世事不尽人意,做好本份就问心无愧,多谢一直努力坚持不懈嘅自己,过去嘅我成就今日嘅我。”网民纷纷留言祝贺佢之外,佢嘅多位圈中好友,包括冯盈盈、陈炜、洪永城都都有恭喜佢呀!
|
|