马国明生B冇压力 有“靓汤”滋润皮肤变好咗！

etin

艺人马国明与林夏薇（薇薇）昨日（19日）现身无綫剧《法言人》宣传活动，该剧首集播出录得跨平台收视21.1点，成为本年二线剧首集收视冠军，两人对此表示高兴，马国明谦称：“暂时啫！依家4月，距离年底仲有好多个月，我好难再霸。不过有薇薇喺度唔使惊。”

​提到薇薇近日在社交网分享出海泳照，她笑言是托爸爸的福：“为咗庆祝爸爸70大寿，所以一班人出海玩，对上一次同佢庆祝已经系60大寿，因为疫情加上工作忙，我有6年冇见父母，佢哋新年前嚟咗香港，一直留到依家，呢段时间我幸福肥，已经重咗3公斤，妈妈日日煲汤水畀我，又畀好多嘢我食。”她称见到老人家开心，自己就开心、问到若有孙抱父母会否更开心？她说：“佢哋冇催，我哋冇压力，佢哋知道我工作忙。”

至于马国明则因为忙于拍剧及宣传而消瘦，但皮肤却变好不少，他解释因有汤水滋润，问到是否未婚妻汤洛雯煲的爱心汤水？他甜滋滋说：“系，佢都几叻煲汤，会煲药材汤。（畀你补吓？）要补吓，因为唔够瞓。（补嚟生育？）生小朋友就随缘，冇压力，我家姐已经生咗咗两个小朋友，父母一早有孙抱。（结婚当日会唔会双喜临门？）正常就唔会嘅，不过都冇所谓，最紧要开开心心。”

同剧的何依婷受访时，讲到林夏薇在剧中被淋红酒，问可有被糟质？她自认幸福：“虽然角色会患有重病，但同丁子朗会患难见真情，入面仲有好多甜蜜的拍拖戏，我哋经常去海边散步同熘冰。（有冇亲热戏？）蜻蜓点水咁锡吓。（你依家畀公司力捧，所以唔可以拍太亲密嘅的戏？）公司冇咁讲，都系睇角色需要，作为专业演员唔可以话因为我怕丑而不唔拍呢类戏，如果剧情需要都会接受，我以前都拍过激情戏，因为今次饰演一个好单纯秘书，想激情都冇。”