传男友窦骁求婚 何超莲落闸：下一题！

etin

赌王三房千金何超莲昨日（3日）晚上在将军澳电视城为《奖门人新春感谢祭》担任录影嘉宾，超莲与男友窦骁拍拖3年经常晒恩爱，早已认定对方，但近期却一反常态，在社交网只字不提对方，连男友34岁生日也没有发祝文，令外间猜测感情生变。​有备而来的超莲被问到感情生活怎样？她笑说：表示：“几好呀！（有传你同男友分手？ ）够传过我大肚啦，习惯就好。（感情稳定？）嗯！（快啲结婚，你家姐都就快结婚？）嗯，我答咗喇，冇谂住答呢个问题，我咪答咗啰，好有礼貌答咗呢个问题，哈哈。”

至于，讲到男友可有求婚，会否为家姐做伴娘，她皆落闸说：“下一题！”问到她是否与男友感情出现风波，她说：“冇风波，只系唔想同大家分享，因为讲多错多。（唔讲啲人咪乱写？）唔紧要，冇所谓，反正讲咗都系乱写。（农历年同情人节会唔会一齐过？）都话下一题，I Love my Mum，情人节都可以同妈咪过。（即系稳定？）稳定，冇嘢。”

首次玩《奖门人》的超莲表现兴奋，自言是向JW自荐上节目，她笑言：“JW系陪我，因为我由细就锺意睇《奖门人》，咁多个游戏最唔想玩系‘开口中’，JW话如果输咗会掷啲Cream去我块面度，连鼻窿都中晒Cream，听讲有雨褛嘢。”虽然穿了两条裤保暖，但自爆准备不足，没有带衣服替换，临时去买了即弃内裤准备，她说：“我玩得嘅，样衰、污糟都唔紧要，最紧要唔好冷亲。”