姚焯菲宣布暂别歌迷 将赴新西兰留学

etin

歌手姚焯菲（Chantel）由除夕到元旦接连应邀出席商场活动搵真银，踏入2023年钱包即刻肿胀，年仅16岁的她再次强调：“唔知自己有几多钱，唔系我管理。”早前被指偕同家人到新西兰“探路”，意欲出国留学，昨日Chantel终承认会暂别歌迷：“计划中，暂时未知几时走，走前一定会话畀大家听。我自己一个去新西兰，中间会返嚟嘅。（谂住读边科？）应该系Business或者时装。”

身为Chantel好姊妹兼同属组合After Class成员的锺柔美，昨日亦同场，当闻得Chantel的决定大感不舍：“我本身都未去过新西兰，有时间放假会飞过去探妳，冇咗你好似争咗啲嘢咁。”Yumi本身亦正准备中五校内试，故昨晚未有外出倒数：“留咗喺屋企同家人一齐，返去就考试，所以要温书，今、明两年成绩好紧要，想准备好啲。（你又有冇谂过出国读书？）未谂，应该要谂，我唔舍得，想留低。（有信心考到大学？）信心要有，靠自己努力。（有乜新年愿望？）好简单，最紧要身体健康同开心，希望出多啲新歌、出活动见多啲大家，及学业为重。”