汤怡“43”数字蛋糕同麦秋成庆生 全家福Warm到爆！

etin

艺人汤怡同麦秋成结婚之后愈来愈性感，不时都喺社交网大派军粮，前日（18日）系麦秋成43岁生日，佢哋两公婆一齐去海滩同阳光玩游戏，汤怡以黑色比坚尼上阵，轻露养眼事业线，虽然佢同老公都戴住黑超，不过依然嚟过深情对望，真系Sweet到爆呀！之后佢哋返到屋企同埋女儿一家三口庆祝，汤怡仲为老公准备咗个“43”数字嘅生日蛋糕添，相当有心思！佢留言：“要健康快乐，如常的等你收工等你庆祝，简单的吃我亲手做的蛋糕，一年又一年再一年直到老，我们爱你#爱在蜜园！”睇到佢哋一家三口嘅全家福，网民都话隔住个Mon都觉得Warm呀!