蔡卓妍返港急为爱犬庆生 容祖儿唱狗话赠兴

etin

艺人蔡卓妍（阿Sa）近日返港，返到嚟第一件事即为爱犬月饼庆祝生日，佢喺社交网大晒多张同猫猫狗狗嘅合照，并留言：“帮月饼补祝生日，我老细s，挂死我喇真系”，见佢抱住宠物即露出一脸满足嘅笑容，真系有猫狗万事足！网民纷纷留言送上祝福，最搞笑系好友容祖儿（Joey），竟然用狗狗话，汪汪汪咁汪出生日歌：“汪汪汪汪汪汪汪汪汪汪汪汪汪汪汪汪汪汪汪汪，happy birthday baby 月饼”，够晒创意！而阿Sa同宠物嘅合照亦令家中客厅曝光，见大厅设计简约以纯白色为主，墙身挂上风景画并有储物柜放满水晶，充满艺术气息，另一边则放置咗鱼缸及按摩椅，兼有落地大窗台，空间感十足。