王祖蓝立定遗嘱 所有房产收租过晒畀李亚男

etin

已移居北京的陈松伶（松松）近日担任王祖蓝担节目《有个闺密叫祖蓝》的嘉宾。原来二人一直只是网友，今次透过节目录影才首次见面。祖蓝经松松追问下直认偶尔会将收入全数“上缴”太太李亚男，又惊爆已为对方立定遗嘱：“基本上我类似整晒遗嘱，房产收租都会去晒佢嗰度，我系预咗万一自己唔喺度，佢都一路有收入。”松松大表欣赏，并指丈夫张铎也是责任心很重的男人：“你哋都会先为对方去谂，好惊自己有一日照顾唔到对方。”

松松透露自己不擅理财，财政全归张铎管理。原来张铎性格亦很搞笑，松松透露：“佢去到欧洲啲铺头，会真系着晒所有女装影相畀我睇，当然系因为我冇一齐去啦，仲要全部相都系叫售货员姐姐帮佢影嘅！”她又指老公是紧张大师：“我同佢相处似系多咗个爸爸咁，如果佢同我唔喺同一个城市，然后我同我哋啲common friend出去，佢会成日打住电话问我：‘几点返去呀？车准备好喇，你快啲上车喇！’然后又系咁打畀我周遭嘅友人。”

松松坦言当初认识张铎，对方根本不欣赏自己：“我哋围读，佢就觉得点解呢个女演员迟到，但我嗰日系赶飞机过去。”她又分享了二人的爱情保鲜法：“我哋纪念日同生日都会飞去对方嘅城市。（做啲咩多？）做一样为佢而做嘅嘢，几个钟都可以擦出新嘅爱火花，例如我好锺意饮香槟，佢就会陪我饮，佢自己唔饮嘅，佢成日话：‘香槟有乜好饮，全部都系糖水，怪不得饮到你咁肥！’”